منوعات من أشعار

نبدا بأشعار
ــــــــــــــــــــــــــــــــ
الحب واحد ما به أول وتالي *** والي يعقد بين الأحباب كذاب

الحب صدق أحساس شوق ومعاني *** ولا تغير في الليالي والأسباب

كلن يمر بتجربات ومواني *** ما كل نجم يسد عن نجم لا غاب

وما كلن قلب كل مره يعاني *** أنا في الحب عددت الأحباب

إلا في طبعه بحبه أناني *** ناقص وفاء وناقص أحباب وأصحاب

الحب ما هو من كبار الأماني *** الحب مركب يغرق بزود ركاب

وأنا هويت ويا كثر من هواني *** واليوم أنا قلبي من الحب ما تاب

حبك في قلبي صار أول وتالي *** وأن قلت له غيرك فانا أقول كذاب

ـــــــــــــــــــــــــــــــــــــــــــــ
الهوى شرقي وقلبي هاوي الشرقية *** في هواها يطرب الخاطر وتشيل الاحزاني

عن هوى المحبوب مالي يا لعواذل نية *** كيف أصدق في حبيب خابره يهواني

المحبة ما تغير في القلوب الحية *** دام صدق الحب فيها والوفاء عنواني

كل عاشق تاخذه لحبابه الحنيه *** لو تغرب عن هوى الخلان والاوطاني

يا حبيبي لكشفت أسراري المخفية *** ما يلام إلي بحبك عاشق ولهاني

شوقي لك دايم يزيد أن غبت عنك شويه *** كن ربي ما خلق غيرك بعيني ثاني

الصراحة قلتها في كلمه عفويه *** من رضا يرضى ومنها يزعل الزعلاني
ــــــــــــــــــــــــــــــــــــــــــــــــــ ـــ
باين عليك اليوم زعلان مني *** حبيب قلبي قلي وشفيك زعلان

لا يكون أحد جاك وحكى شي عني *** غلطان لو صدقت والله غلطان

مفروض ما تسمح لحد يتهمني *** تعرف غلاك وتعرف القلب ما خان

أنا من أول يوم شفتك وكني *** غريب لقاله وطن بين الأوطان

لا ينشغل بالك حبيبي لا ني *** ولهان في غيابك وإذا جيت ولهان

لو أخسر العالم أبفرح وأغني *** رابح أنا بحبك لو كنت خسران

أنت الوحيد الي بحبه شغلني *** عجزت توفيك القصايد والألحان

ما شوف أنا غيرك و حبك سكني *** ما كن في الدنيا ابد غيرك إنسان

ـــــــــــــــــــــــــــــ

تحملتك بما فيه الكفاية ولا ظني أبتحملك ثاني *** أنا أتعبني تقصيرك معايا حسافه ما توقعتك أناني

أنا واضح معك من البداية أحسب أن الزمن على الكيف جاني *** جروحك للأسف جت من وراي الحظ إلي رفعك لك رماني

أنا أدري وكل شي له نهاية وأنا وأنتا بشر والعمر فاني *** مدامك ما تبي قربي وهوايا حرام يضيع في قربك حناني

أبعرف بس وش ذنبي وخطايا وأبي اعرف ليش تخليني أعاني *** وبكره أنتا تجي تدور رضايا ولكن ما بقى منهو ما بقاني
------------------------------------------------------------------------------------------------
يعني أنت تظلمني وأنا ما تكلم وإذا أنا أخطيت صارت جريمة *** يعني أنت تتألم وأنا ما أتألم أنا على فكرة حياتي أليمه

أنا حياتي كلها هم في هم صدمات عمري من زماني عظيمه *** أذا على الأحزان ما عدت أهتم الحزن أنا وياه علاقة قديمه

يا ليت قلبي من جروحك تعلم ما حط لك خاطر عندي وقيمه *** بغيب عنك وبعد ما غيب تندم يكفي خسرت إنسان عدك نديمه
----------------------------------------------------------------------------------------------
والله وفيك الخير دايم علي تسئل *** لو مني التقصير منساك أنا أسئل

ما يموت فينا الشوق مهما تباعدنا *** يبقى نبض قلوبنا يثبت محبتنا

احتاروا العذال في حبنا وحاله *** لقوا هوى مازال باقي على أحواله

يبقى الوفاء فينا هو أحلى ما فينا *** الله لا يبعدنا ولبعض يخلينا
----------------------------------------------------------------------------------------------

قلتلك لا تغيب قلتلك خلك قريب *** لا يشوفك أي واحد والعيون والله تصيب

ما طعتني الله حسيبك بس والله ما أسيبك

يا حبيبي لما جيتك أنت روحي وعيني بيتك *** مهما صار من البشر أنا أبصم بالعشر أني باقي حبيبك وأني والله ما أسيبك

خذني خذني في طريقك أنا وحدي إلي عشيقك عمري كله أنتظر لا تدور لك عذر *** أنا يا روحي حبيبك وأنا والله ما أسيبك

----------------------------------------------------------------------------------------------
وش هل الجمال إلي بدا زينك أبد ماله مدى *** جمالك أجبرني أقول نعم نعم أنتي كذا

أبي أسألك وش هل الجنون وش هل الدلع يا ذا الحنون *** بالله قلي من تكون يا ورد ويا عطر وشذى
الكل يشوف ينضرون بعيونك إلي يقتلون *** إلا أنا قلبي معاك من يوم شفتك ما هدى
----------------------------------------------------------------------------------------------

هلا وسهلا ومرحبتين هلا بالي يسر العين ***حبيبي طول غيباك ولا أعرف دروبك وين

غيباك أتعب أحوالي شغل فكري وشغل بالي *** وأنا تعرفني ما أصبر عن فراقك ولا يومين

هلا يا بهجة عيوني ضياء ليلي وقمر كوني *** نعم نعم لفيت هل الدنيا ولا شفت بحلاك أثنين

تعبت أستنا هل الطله أذوب واحترق والله *** أخيرا جيت يا عمري حياتي وسيد الحلوين

----------------------------------------------------------------------------------------------
وش ملحه إلي ينثر الحسن من زوده *** وش عاد خلى للمماليح من بعده

الله عليه أن فتح الورد بخدوده *** الناعم الي خفت لا تجرحه ورده

الناعس إلي ريع الكحل في زوده *** ودي يعلمني هوى البال وش وده

هو بسمه أيام العمر وأجمل وعوده *** يفداه قلبي لو خذ القلب في يده

دامه معي موجود فالروح موجودة *** والله مال الروح عن عالمه صده

راضي بتجريحه وعيبه ومنقودة *** راضي بناره نور عيني دفى برده

أهم شي أنه معي كصديق عهوده *** مدام أنا قلبي معه صادق وده

يا ملحه إلي ينثر الحسن من زوده *** وش عاد بقى للمماليح من بعده
----------------------------------------------------------------------------------------------
يا متعبني وأنا ما حب غيرك غيرتك من غيرك تخرب عليك *** يوم شرك في النوايا عمى خيرك في عيونك بايعك ومشتريك

أحكم بعقلك قبل يحكم ضميرك قلت أبيك وتسمع الكلمة ما أبيك *** يا قساك ولينك غطى كثيرك دوم مشغلني وأنا ما رخصت فيك

أرفق بمنهو على شانك سهيرك والي يرحم يا عيوني والدينك *** يا قرب لحظه على إني أستثيرك وازعلك وأرضيك وأبدا وانتهي بك

يجهلك غيري وأنا ساكن هجيرك يعني عطشانك وقلبي مرتويبك *** يا متعبني وأنا ما حب غيرك لا تخرب علي تخرب عليك

مجموعه انسان كتب:

تحملتك بما فيه الكفاية ولا ظني أبتحملك ثاني *** أنا أتعبني تقصيرك معايا حسافه ما توقعتك أناني

أنا واضح معك من البداية أحسب أن الزمن على الكيف جاني *** جروحك للأسف جت من وراي الحظ إلي رفعك لك رماني

أنا أدري وكل شي له نهاية وأنا وأنتا بشر والعمر فاني *** مدامك ما تبي قربي وهوايا حرام يضيع في قربك حناني

أبعرف بس وش ذنبي وخطايا وأبي اعرف ليش تخليني أعاني *** وبكره أنتا تجي تدور رضايا ولكن ما بقى منهو ما بقاني
--------------------------------------------------------

احلا شي مشكووووور على الموضووووووووع ..



تحيااااااااتوو ..

مشكووور على الموضوع الرائع

يعطيك العافيه على الاشعار الحلوه .

تحياتي :



( المجهــــ511ـــــوله )

الله يعافيكم ويعطيكم الف عافيه وشكرا على الاطلاله الجميله

يسلمووووو